Shavkat Mirziyoyev tashrif buyurgan Respublika shoshilinch tibbiy yordam ilmiy markazidagi yangi yuqori texnologik xirurgiya binosidan fotoreportaj

Bugun, 26-oktabr kuni prezident Shavkat Mirziyoyev Respublika shoshilinch tibbiy yordam ilmiy markazi hududida barpo etilgan yangi yuqori texnologik xirurgiya binosida yaratilgan sharoitlar bilan tanishdi.

87 o‘ringa mo‘ljallangan 5 qavatli yuqori texnologik xirurgiya binosida 12 reanimatsiya o‘rni mavjud. Hozirgi kunda markazda 670 nafar bemor davolanmoqda. Markazda bemorlarga bepul tibbiy xizmat ko‘rsatiladi.

Binoda 25 o‘rinli kardioxirurgiya, 25 o‘rinli transplantologiya, 25 o‘rinli neyro-qon tomir xirurgiyasi bo‘limlari, 6 ta zamonaviy amaliyot xonalari va 12 o‘rinli reanimatsiya bo‘limi faoliyat yuritadi. Bo‘limlarda yiliga qo‘shimcha 3000 nafar bemorga yuqori texnologik shoshilinch tibbiy yordam ko‘rsatilishiga imkon yaratiladi.

Markazda 78 nafar ilmiy xodimlar, shundan, 27 nafar tibbiyot fanlari doktori, 51 nafar tibbiyot fanlari nomzodi ishlaydi.

“Daryo” fotomuxbiri ushbu yangi binodan fotoreportaj tayyorladi.