Шавкат Мирзиёев ташриф буюрган Республика шошилинч тиббий ёрдам илмий марказидаги янги юқори технологик хирургия биносидан фоторепортаж

Бугун, 26 октябрь куни президент Шавкат Мирзиёев Республика шошилинч тиббий ёрдам илмий маркази ҳудудида барпо этилган янги юқори технологик хирургия биносида яратилган шароитлар билан танишди.

87 ўринга мўлжалланган 5 қаватли юқори технологик хирургия биносида 12 реанимация ўрни мавжуд. Ҳозирги кунда марказда 670 нафар бемор даволанмоқда. Марказда беморларга бепул тиббий хизмат кўрсатилади.

Бинода 25 ўринли кардиохирургия, 25 ўринли трансплантология, 25 ўринли нейро-қон томир хирургияси бўлимлари, 6 та замонавий амалиёт хоналари ва 12 ўринли реанимация бўлими фаолият юритади. Бўлимларда йилига қўшимча 3000 нафар беморга юқори технологик шошилинч тиббий ёрдам кўрсатилишига имкон яратилади.

Марказда 78 нафар илмий ходимлар, шундан, 27 нафар тиббиёт фанлари доктори, 51 нафар тиббиёт фанлари номзоди ишлайди.

«Дарё» фотомухбири ушбу янги бинодан фоторепортаж тайёрлади.