“World justice project” xalqaro tashkilotining Huquq ustuvorligi indeksining 2022-yilgi natijalari e’lon qilindi. Yangilangan reytingda O‘zbekiston 7 pog‘ona ko‘tarilib, 140 mamlakat orasida 78-o‘rinni egalladi.
Mamlakat 2021-yilda ushbu reytingda 85-o‘rinda edi. Mazkur reytingda ekspertlar davlatlarning qonuniylikni ta’minlashga qaratilgan islohotlari samaradorligi va uning aholi kundalik hayotga ta’sirini baholaydi.
Indeksning “Korrupsiyaning mavjud emasligi” faktorida ham O‘zbekiston ko‘rsatkichida o‘sish qayd etilib, 0.47 ball bilan 66-o‘ringa ko‘tarilgan. Oxirgi e’lon qilingan reytingda respublika 0.46 ball bilan 70-o‘rinni egallagan edi.
Tashkilotning ma’lum qilishicha, mamlakatning korrupsiyaga oid ushbu faktordagi ko‘rsatkichlari so‘nggi 5 yil davomida muntazam ko‘tarilib kelmoqda. Xususan, 2016-yili O‘zbekiston 0.33 ball bilan 113 mamlakat orasida 96-o‘rinni olgan.
Izoh (0)