O‘zbekiston mezbonlik qiladigan U-20 Osiyo Kubogi—2023 guruh bosqichiga qur’a tashlandi

2023-yilda O‘zbekistonda bo‘lib o‘tadigan 20 yoshgacha bo‘lgan futbolchilar o‘rtasidagi Osiyo Kubogiga qur’a tashlandi.

O‘zbekiston U-20 terma jamosi mezbon sifatida A guruhidan joy oldi. O‘zbekiston guruhda Iroq, Suriya va Indoneziya yoshlariga qarshi o‘ynaydi.

U-20 Osiyo Kubogi—2023 musobaqasi 1—18-mart kunlari bo‘lib o‘tadi. O‘zbekiston o‘z o‘yinini 1-mart kuni Suriyaga qarshi bahs bilan boshlaydi.

Musobaqada ishtirok etadigan 16 jamoadan eng yaxshi 4 ta terma jamoa Indoneziyada bo‘lib o‘tadigan U-20 Jahon Chempionati yo‘llanmasini qo‘lga kiritadi. Indoneziyaning o‘zi yarim finalga qadar yetib borsa, chorak finalda mag‘lub bo‘lgan eng yaxshi natijaga ega ikki terma jamoa o‘rtasida bahs o‘tkaziladi va g‘olib OFK vakili sifatida mundialga yo‘llanmaga ega chiqadi.