Futbol bo‘yicha Chempionlar Ligasining 5-turidan o‘rin olgan bir qator o‘yinlar 25-oktabr, seshanba kuni bo‘lib o‘tdi.
H guruhida “PSJ” “Makkabi” ustidan 7:2 hisobida g‘alaba qozondi. Parijliklar safida Neymar va Karlos Soler bittadan, Leo Messi va Kilian Mbappe esa ikkitadan gol muallifiga aylandi. Yana bir gol mehmonlar a’zosi Shon Goldberg hisobiga avtogol sifatida yozildi. Parijliklar guruhda 1-o‘rinni saqlab turibdi va keyingi bosqich yo‘llanmasini hal etdi.
Guruhning ikkinchi bahsida “Benfika” o‘z maydonida “Yuventus”ni qabul qildi. Uchrashuvning 17-daqiqasida Antonio Silva hisobni ochdi. Bir necha daqiqadan so‘ng Dushan Vlahovich muvozanatni tikladi. Turinliklarning quvonchi ko‘pga cho‘zilmadi. 28-daqiqada Joau Mariu penaltini aniq amalga oshirdi.
35-daqiqada Rafa Silva hisobni ishonchli ko‘rinishga olib keldi. Ikkinchi bo‘lim boshida Silva dublni rasmiylashtirdi. 77-daqiqada Arkadiush Milik, 79-daqiqada Ueston Mekkenni turinliklar safida to‘p kiritdi, biroq bu gollar “Yuventus”ni mag‘lubiyatdan qutqarib qololmadi.
G guruhida “Manchester Siti” “Borussiya D” bilan 0:0 hisobida durang qayd etdi. Shu tariqa ikkala jamoa ham pley-off yo‘llanmasiga ega chiqdi.
YCHL
5-tur bahslari
25-oktabr, seshanba
“PSJ” – “Makkabi” 7:2
Gollar: 1:0 – 19 Messi, 2:0 – 32 Mbappe, 3:0 – 35 Neymar, 3:1 – 38 Sek, 4:1 – 44 Messi, 4:2 – 50 Sek, 5:2 – 64 Mbappe, 6:2 – 67 Goldberg (avtogol), 7:2 – 84 Soler.“PSJ”: Donnarumma, Hakimi, Ramos, Markinyos (Kimpembe, 79), Bernat, Sanshesh (Soler, 68), Fabian Ruis (Sarabiya, 83), Vitinya (Zair-Emeri, 79), Messi, Neymar, Mbappe (Ekitik, 79).
“Makkabi”: Koen, Batubinsika, Goldberg, Sek, Kornyu (Menaxem, 70), Lavi, Abu-Fani (Meir, 71), Al-Faz (Arad, 83), Sheri, Asili (David, 65), Perro (Rukavisa, 83).
Ogohlantirishlar: Sek (26), Neymar (27), Ramos (40), Sheri (47), Asili (54), Lavi (74).
“Benfika” – “Yuventus” 4:3
Gollar: 1:0 – 17 Antoniu Silva, 1:1 – 21 Kin, 2:1 – 28 Joau Mariu (penalti), 3:1 – 35 Rafa Silva, 4:1 – 50 Rafa Silva, 4:2 – 77 Milik, 4:3 – 79 Makkenni.“Benfika”: Vlahodimos, Ba (Jilberto, 81), Otamendi, Antoniu Silva, Grimaldo, Joau Mariu (Shikinyu, 90), Rafa Silva (Musa, 87), Eursnes, Florentinu, Fernandes, Gonsalu Ramush (Neres, 87).
“Yuventus”: Shensni, Bonuchchi (Aleks Sandro, 60), Danilo, Gatti, Kuadrado (Miretti, 60), Kostich (Ayling, 70), Rabyo, Lokatelli, Makkenni, Kin (Milik, 46), Vlahovich (Soule, 70).
Ogohlantirishlar: Danilo (62), Fernandes (84).
“Borussiya D” – “Manchester Siti” 0:0
“Borussiya D”: Kobel, Zyule, Hummels, Shlotterbek, Azar (Volf, 82), Reyna (Papadopulos, 87), Jan, Brandt, Bellinghem, Adeyemi (Malen, 73), Mukoko (Modest, 82).“Manchester Siti”: Ortega, Stounz, Ake, Ruben Diash, Joau Kanselu (Akanji, 46), Foden (Grilish, 81), Gundo‘g‘an, Rodri, Marez (Palmer, 88), Holand (Bernardu Silva, 46), Al'vares.
Ogohlantirishlar: Joau Kanselu (7), Alvares (31), Gundo‘g‘an (58), Akanji (72), Hummels (87).
Izoh (0)