“PSJ” hujumchisi Lionel Messi Chempionlar Ligasi 5-turi doirasida “Makkabi”ga qarshi kechgan bahsda (7:2) dublga erishdi va ikkita golli uzatma muallifiga aylandi.
35 yosh-u 123 kunlik Messi Chempionlar Ligasi o‘yinida “gol+pas” tizimida 2+2 ochko to‘plagan eng yoshi katta futbolchiga aylandi.
Leo 2019-yilning 29-oktabridan keyin ilk bor bir uchrashuvda ikkitadan gol va assist amalga oshirdi. So‘nggi bor u uch yil avval “Barselona” safida La Ligada “Valyadolid”ga qarshi o‘yinda (5:1) shunday natija qayd etgandi.
Messi Chempionlar Ligasida 23-marta jarima maydoni tashqarisidan gol urdi va bu borada Krishtianu Ronalduni (22) ortda qoldirdi.
Messi joriy mavsum “PSJ” safida 16 ta o‘yin o‘tkazib, 11 ta gol va 12 ta golli uzatma muallifiga aylandi. Messi 2022/23-yilgi mavsumda top-5 ligalar futbolchilari orasida birinchi bo‘lib “gol+pas” tizimida 10+10 to‘pladi.
Izoh (0)