Futbol bo‘yicha Chempionlar Ligasining 5-turidan o‘rin olgan ikki o‘yin 25-oktabr, seshanba kuni bo‘lib o‘tdi.
E guruhida “Chelsi” “Zalsburg” maydoniga safar qildi. Uchrashuvning 23-daqiqasida Mateo Kovachich hisobni ochdi. 49-daqiqada Chukvubuike Adamu muvozanatni tikladi. 64-daqiqada Kay Haverts yana bir bor londonliklarni oldinga olib chiqdi. Ushbu goldan so‘ng darvozalar ishg‘ol etilmadi va ingliz klubi g‘alaba qozondi.
“Aristokratlar” ochkolarini 10 taga yetkazdi va keyingi bosqich masalasini hal etdi. “Zalsburg” esa 6 ochko bilan 2-o‘rinni egallab turibdi.
“Sevilya” o‘z maydonida “Kopengagen”ni qabul qildi va 3:0 hisobida zafar quchdi. Ispan jamoasi safida Yusuf el-Neseri, Isko va Montiel o‘z hisobiga gol yozdirib qo‘ydi.
“Sevilya” ushbu g‘alabadan so‘ng 5 ochko bilan 3-o‘rindan, “Kopengagen” esa 2 0chko bilan 4-o‘rindan joy oldi.
YChL
5-tur bahslari
25-oktabr, seshanba
“Zalsburg” – “Chelsi” 1:2
Gollar: 0:1 – 23 Kovachich, 1:1 – 48 Adamu, 1:2 – 64 Haverts.“Zalsburg”: Ken, Dedich, Bernardo, Pavlovich, Veber (Ulmer, 78), Zayvald, Kergor, Suchich (Sheshko, 61), Gurna-Duat, Okafor (Shimich, 78), Adamu (Kameri, 82).
“Chelsi”: Arrisabalaga, Tiago Silva, Kukurelya, Chaloba, Pulishich (Aspilikueta, 75), Kovachich (Loftus-Chik, 68), Jorjinyo, Gallaher (Ziyosh, 88), Haverts, Obameyang (Broya, 75), Sterling (Maunt, 88).
Ogohlantirishlar: Suchich (47), Gallaher (86), Arrisabalaga (90).
“Sevilya” – “Kopengagen” 3:0
Gollar: 1:0 – 61 En-Nesiri, 2:0 – 88 Isko, 3:0 – 90 Montiel.“Sevilya”: Dmitrovich, Montiel, Gudel, Markao Teysheyra, Telles, Rakitich, Isko, Jordan, Gomes (Akunya, 77), Suso (Lamela, 55), Dolberg (En-Nesiri, 46; Rafa Mir, 70).
“Kopengagen”: Grabara, Yelert (Sorensen, 81), Hocholava, Lund (Diks, 80), Kristiansen, Klasson, Lerager, Klem (Ouskarsson, 81), Youhannesson (Bardeji, 63), Haraldsson (Kornelius, 72), Darami.
Ogohlantirishlar: Klasson (69), Lamela (72), Montiel (78), Sorensen (86), Hocholava (90).
Chetlatish: Hocholava (90+4)
Izoh (0)