Ijtimoiy tarmoqlarda Namangan viloyatining Norin tumani XTB mutaxassisi o‘z joniga qasd qilgani haqida xabarlar tarqaldi. Viloyat prokuraturasi holat yuzasidan ma’lumot berdi.
Unga ko‘ra, XTBda mutaxassis bo‘lib ishlagan S.X. turmush o‘rtog‘i bilan o‘rtalarida kelib chiqqan oilaviy kelishmovchiliklar tufayli ruhiyatida sodir bo‘lgan salbiy o‘zgarishlar oqibatida uyida o‘z joniga qasd qilib vafot etgan.
Bosh prokuratura matbuot kotibi Hayot Shamsutdinovning “Daryo” so‘roviga asosan ma’lum qilishicha, voqea 21-oktabr kuni soat 17:30 larda yuz bergan. 29 yoshli S.X. turmush o‘rtog‘i ota uyiga ketib qolganidan ruhiyatida sodir bo‘lgan salbiy o‘zgarish hamda oilaviy kelishmovchiliklar sababli o‘z harakatlari oqibatini idrok eta olmasdan, yashash xonadoni qo‘yxonasi to‘siniga arqondan sirtmoq yasab, o‘z joniga qasd qilib, vafot etgan.
Tumanlararo STEB tomonidan taqdim etilgan dastlabki ma’lumotnomada marhumning o‘limi bo‘yin a’zolarini sirtmoq bilan siqilishi natijasidagi mexanik asfiksiyasidan kelib chiqqani, badanida boshqa tan jarohatlari aniqlanmagani ko‘rsatilgan.
Hozirda holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Izoh (0)