Ижтимоий тармоқларда Наманган вилоятининг Норин тумани ХТБ мутахассиси ўз жонига қасд қилгани ҳақида хабарлар тарқалди. Вилоят прокуратураси ҳолат юзасидан маълумот берди.
Унга кўра, ХТБда мутахассис бўлиб ишлаган С.Х. турмуш ўртоғи билан ўрталарида келиб чиққан оилавий келишмовчиликлар туфайли руҳиятида содир бўлган салбий ўзгаришлар оқибатида уйида ўз жонига қасд қилиб вафот этган.
Бош прокуратура матбуот котиби Ҳаёт Шамсутдиновнинг «Дарё» сўровига асосан маълум қилишича, воқеа 21 октябрь куни соат 17:30 ларда юз берган. 29 ёшли С.Х. турмуш ўртоғи ота уйига кетиб қолганидан руҳиятида содир бўлган салбий ўзгариш ҳамда оилавий келишмовчиликлар сабабли ўз ҳаракатлари оқибатини идрок эта олмасдан, яшаш хонадони қўйхонаси тўсинига арқондан сиртмоқ ясаб, ўз жонига қасд қилиб, вафот этган.
Туманлараро СТЭБ томонидан тақдим этилган дастлабки маълумотномада марҳумнинг ўлими бўйин аъзоларини сиртмоқ билан сиқилиши натижасидаги механик асфиксиясидан келиб чиққани, баданида бошқа тан жароҳатлари аниқланмагани кўрсатилган.
Ҳозирда ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
Изоҳ (0)