Миср Марказий банки мамлакат миллий валютасининг индексини ишлаб чиқмоқда. Бу орқали у Миср фунтининг долларга боғланишидан воз кечмоқчи. Бу ҳақда «Коммерсантъ» хабар бермоқда.
Марказий банк раҳбари Ҳасан Абдуллоҳ Мисрга тааллуқли бўлмаган нефть қазиб олувчи мамлакатлар валютаси асосан долларга боғланганлигини таъкидлади. АҚШ эса Мисрнинг асосий ҳамкори ҳам эмас.
Шунинг учун, доллар курсидан қатъи назар, биз Миср фунти индексини яратиш устида ишлай бошладик — унда бир нечта валюталар, эҳтимол, олтин ва бошқа металлар ҳисобга олинади, — деди Ҳасан Абдуллоҳ.
Миср фунт стерлинги март ойидан бери долларга нисбатан 27 фоиздан кўпроққа тушди. Доллар курси 19,72 фунтни ташкил этади.
Шу билан бирга, Марказий банк раҳбари миллий валюта турк лираси, Британия фунт стерлинги ва еврога нисбатан мустаҳкамланганини, бироқ «халқ буни кўрмаётганини» таъкидлади.
Миср ҳукумати иқтисодиётдаги муаммоларни Украина атрофидаги инқироз билан боғлаган эди.
Аввалроқ Ўзбекистон ва Миср пахтачилик соҳасида ҳамкорлик қилмоқчилиги ҳақида хабар берилганди.
Изоҳ (0)