Markaziy bank 2022-yil 1-oktabr holatiga ko‘ra banklarning muammoli kreditlari to‘g‘risida ma’lumot berdi.
Unga ko‘ra, banklardagi jami kredit portfeli 362,9 trln so‘mgacha yetgan. Bu o‘tgan oyga nisbatan 7,4 trln so‘mga ko‘proqdir.
Sentabr oyida banklardagi umumiy muammoli kreditlar (NPL) miqdori qariyb 300 mlrd so‘mga kamayib, 17,1 trln so‘mni tashkil qilgan.
Iyul oyida bu ko‘rsatkich 250 mlrd so‘mga, avgust oyida esa 500 mlrd so‘mga oshgan edi. Umumiy kredit portfelidagi NPL ulushi 0,2 foizga tushib, 4,7 foiz bo‘lib turibdi.
Banklar orasida NPL miqdori eng ko‘p “Xalq bank”ida saqlanib qolmoqda va o‘tgan oyga nisbatan biroz pasaygan — 3,4 trln so‘m.
Muammoli kreditlarning ulushi bo‘yicha eng baland ko‘rsatkich yaqinda litsenziyasi qaytarib olingan “Turkistonbank”da — bankning jami kreditlardagi NPL ulushi 95 foizni tashkil qildi.
Avvalroq O‘zbekistonda bank kartalari soni 32 milliontaga yaqinlashgani haqida xabar berilgan edi.
Izoh (0)