Turkiyada asosiy stavka yana tushirildi. Mamlakatda “yangi iqtisodiy model” davom etmoqda

Turkiya Markaziy banki asosiy foiz stavkasini 1,5 foiz bandiga pasaytirib, 10,5 foizga tushirdi. 

Qaror “inflyatsiyaning barqaror pasayishini ko‘rsatuvchi kuchli ko‘rsatkichlar”ni hisobga olgan holda qabul qilindi, deyiladi regulyator saytidagi xabarda. Markaziy bank oxirgi marta 22-sentabrda kursni tushirgan edi.

Regulyator xabarida qayd etilishicha, Markaziy bank kelgusi oy kursni pasaytirishi mumkin, shundan so‘ng stavkani pasaytirish jarayoni to‘xtaydi. 

Shu bilan birga, Markaziy bank energiya resurslari narxlarining oshishi hamda talab va taklif o‘rtasidagi nomuvofiqlik inflyatsiyaning kutilganidan uzoqroq o‘sishiga olib kelishi mumkinligini tan oldi.

Turkiya prezidenti Rajab Toyyib Erdo‘g‘on stavkalarni past va lirani zaif ushlab turuvchi “yangi iqtisodiy model”ni davom ettirmoqda. 

Mamlakatda inflyatsiya darajasi o‘sishda davom etmoqda. Turkiya Statistika byurosi ma’lumotlariga ko‘ra, narxlar oshishi bir oy oldingi 80,21 foizga nisbatan 83,45 foizni tashkil etdi

O‘tgan yilning mart oyida Erdo‘g‘on Markaziy bank rahbari Naji Agbalni asosiy stavkani 17 foizdan 19 foizga ko‘targani uchun ishdan bo‘shatgan edi. U so‘nggi ikki yil ichida o‘z lavozimini tark etgan regulyatorning uchinchi rahbari bo‘ldi.