Украина Хавфсизлик хизмати талаби билан Украинада Беларусь президенти Александр Лукашенко қидирувга берилди. Бу ҳақда Украина Ички ишлар вазирлиги расмий сайтида маълум қилинган.
Аввал Украина худди шундай тарзда Россия Хавфсизлик кенгаши раиси ўринбосари Дмитрий Медведев, мудофаа вазири Сергей Шойгу, Миллий гвардия раҳбари Виктор Золотов, ички ишлар вазири Владимир Колоколцев, Ташқи ишлар вазирлиги матбуот котиби Мария Захарова ва бошқалар, жами 700 нафар россиялик мансабдорни қидирувга берган эди.
Украина хусусан, Медведевни мамлакатнинг ҳудудий яхлитлиги ва дахлсизлигига тажовуз қилишда айблади (Украина Жиноят кодексининг 110-моддаси 2-қисми; ҳокимият вакили томонидан ёки бир гуруҳ шахслар билан олдиндан келишиб, миллий адоватни қўзғатиш). Ушбу моддада назарда тутилган энг юқори жазо 10 йилгача озодликдан маҳрум қилишдир.
Кейинроқ Россия тергов қўмитаси раиси Александр Бастрикин Украинада Дмитрий Медведевга нисбатан қўзғатилган жиноий ишни «ноқонуний таъқиб» деб атади ва Украина Хавфсизлик хизмати мансабдор шахсларига нисбатан жиноий иш қўзғатилишини маълум қилди.
Изоҳ (1)
Ута кулгили ишларни килиб дунёга шарманда буляпти лекин! Украина обрусини ноль килаётганлар хам шу аслида