Zelenskiyning aytishicha, Rossiya Ukrainaning energetika tizimiga zarba berib, ukrainaliklarning Yevropa Ittifoqi mamlakatlariga migratsiyasining yangi to‘lqinini keltirib chiqarmoqda, deb yozadi Meduza.
Bu haqda Ukraina prezidentining Telegram-kanalida joylashtirilgan Zelenskiyning Yevropa kengashiga videomurojaatida aytilgan. Uning so‘zlariga ko‘ra, raketa zarbalari va kamikadze dronlarning hujumlari natijasida Ukraina energetika tizimining uchdan bir qismi ishdan chiqqan.
“Rossiyaning bizning energetika obyektlarimizga qarshi terrori Ukraina uchun kuz va qishda imkon qadar elektr va issiqlik bilan bog‘liq ko‘proq muammolarni keltirib chiqarishga qaratilgan bo‘lib, unga ko‘ra, ukrainaliklar imkon qadar ko‘proq Yevropa mamlakatlariga chiqib ketishlari kerak”.
“Rossiya terrorining yangi to‘lqini kuzatilmoqda. Bu butun Yevropa hamjamiyatidan tez va birdamlikda yangi qadamlar tashlashni talab qiladi. Ham ukrainaliklarni, ham barcha yevropaliklarni himoya qiladigan qadamlar. Terror mag‘lub etilishi kerak. Ukraina va Yevropa g‘alaba qozonishi lozim”, — dedi Ukraina prezidenti.
Izoh (1)
Тарихда бу одам ёмон фикрлар билан эсланадиган одамга аёланиб булди. Кибрга берилмасдан, келишиши мумкин эдику. Кийналётган халк. Улар билан нима иши бор!