Og‘ir vazn toifasida WBC chempioni Tayson Fyuri (32-0-1, 23 KO) navbatdagi jangini Derek Chisoraga (33-12, 23 KO) qarshi o‘tkazadi.
Jangga Fyurining og‘ir vazn toifasidagi WBC chempionlik kamari qo‘yilgan. Bokschilar o‘rtasidagi jang 3-dekabr kuni Londondagi “Tottenhem Hotspur” stadionida bo‘lib o‘tadi.
Ushbu boks oqshomida o‘zbekistonlik bokschi Otabek Xolmatov mazkur musobaqada britaniyalik Patrik Uord bilan jang qiladi. Shuningdek, Daniel Dyubua (18-1, 17 KO) va Kevin Lerena (28-1, 14 KO) og‘ir vazn toifasining WBA Regular kamari uchun jang bo‘lib o‘tadi.
Fyuri va Chisora bunga qadar 2 marta to‘qnash kelgan. 2011-yilda ochkolar evaziga Tayson g‘olib bo‘lgan, 2014-yildagi jangda esa Chisora 10-raunddan keyin jangni davom ettirishdan bosh tortgan va Tayson g‘alabaga erishgan.
Fyuri so‘nggi jangini aprel oyida Dillian Uaytga qarshi o‘tkazib, raqibini nokautga uchratgandi. Derek esa so‘nggi bor 9-iyul kuni ringga ko‘tarilib, bolgariyalik Kudrat Pulevni mag‘lub etgandi.