“Barselona” hujumchisi Robert Levandovski La Liganing 10-turidan o‘rin olgan “Vilyarreal”ga qarshi bahsda (3:0) dubl qayd etdi.
Shu tariqa polshalik futbolchi faoliyatidagi 600 va 601-gollarini urdi. 34 yoshli hujumchi XXI asrda gollari sonini 600 dan oshirgan uchinchi futbolchiga aylandi. Avvalroq Krishtianu Ronaldu va Lionel Messi ushbu natijani qayd etgan.
“Barselona”ga o‘tgach, Levandovski 14 o‘yinda 16 ta golga mualliflik qildi. “Bavariya”da 375 o‘yinda 344 ta gol, “Borussiya D”da esa 186 o‘yinda 103 ta gol urgan.
Polshaning “Znich” klubida 21 ta gol, “Lex” jamoasida esa 41 ta golni o‘z hisobiga yozdirib qo‘ygan. Polsha terma jamoasida 134 o‘yinda 76 ta golga mualliflik qilgan.
Mavzuga doir: “Barselona” so‘nggi 8 yil ichidagi eng yaxshi natijasini qayd etdi
Izoh (0)