Трилогия. Тайсон Фьюри ва Дерек Чисора ўртасидаги жанг манзили ва санаси маълум қилинди

Оғир вазн тоифасида WBC чемпиони Тайсон Фьюри (32-0-1, 23 КО) навбатдаги жангини Дерек Чисорага (33-12, 23 КО) қарши ўтказади.

Жангга Фьюрининг оғир вазн тоифасидаги WBC чемпионлик камари қўйилган. Боксчилар ўртасидаги жанг 3 декабрь куни Лондондаги «Тоттенҳэм Ҳоцпур» стадионида бўлиб ўтади.

Ушбу бокс оқшомида ўзбекистонлик боксчи Отабек Холматов мазкур мусобақада британиялик Патрик Уорд билан жанг қилади. Шунингдек, Даниэль Дюбуа (18-1, 17 КО) ва Кевин Лерена (28-1, 14 КО) оғир вазн тоифасининг WBA Regular камари учун жанг бўлиб ўтади.

Фьюри ва Чисора бунга қадар 2 марта тўқнаш келган. 2011 йилда очколар эвазига Тайсон ғолиб бўлган, 2014 йилдаги жангда эса Чисора 10-раунддан кейин жангни давом эттиришдан бош тортган ва Тайсон ғалабага эришган.

Фьюри сўнгги жангини апрель ойида Диллиан Уайтга қарши ўтказиб, рақибини нокаутга учратганди. Дерек эса сўнгги бор 9 июль куни рингга кўтарилиб, болгариялик Кудрат Пулевни мағлуб этганди.