Туркияда асосий ставка яна туширилди. Мамлакатда «янги иқтисодий модель» давом этмоқда

Туркия Марказий банки асосий фоиз ставкасини 1,5 фоиз бандига пасайтириб, 10,5 фоизга туширди. 

Қарор «инфляциянинг барқарор пасайишини кўрсатувчи кучли кўрсаткичлар»ни ҳисобга олган ҳолда қабул қилинди, дейилади регулятор сайтидаги хабарда. Марказий банк охирги марта 22 сентябрда курсни туширган эди.

Регулятор хабарида қайд этилишича, Марказий банк келгуси ой курсни пасайтириши мумкин, шундан сўнг ставкани пасайтириш жараёни тўхтайди. 

Шу билан бирга, Марказий банк энергия ресурслари нархларининг ошиши ҳамда талаб ва таклиф ўртасидаги номувофиқлик инфляциянинг кутилганидан узоқроқ ўсишига олиб келиши мумкинлигини тан олди.

Туркия президенти Ражаб Тоййиб Эрдўғон ставкаларни паст ва лирани заиф ушлаб турувчи «янги иқтисодий модель»ни давом эттирмоқда. 

Мамлакатда инфляция даражаси ўсишда давом этмоқда. Туркия Статистика бюроси маълумотларига кўра, нархлар ошиши бир ой олдинги 80,21 фоизга нисбатан 83,45 фоизни ташкил этди

Ўтган йилнинг март ойида Эрдўғон Марказий банк раҳбари Нажи Агбални асосий ставкани 17 фоиздан 19 фоизга кўтаргани учун ишдан бўшатган эди. У сўнгги икки йил ичида ўз лавозимини тарк этган регуляторнинг учинчи раҳбари бўлди.