Россиялик блогер Иля Варламов Қирғизистон халқига мурожаат қилиб, ташриф буюрувчиларга меҳмон эмас, балки мижоз сифатида қараш кераклигини таъкидлаган пост ёзди.
Блогер нима учун «меҳмондек тут» деган гапга қўшилмаслигини тушунтирди.
«Сиз мамлакатга ташриф буюра олмайсиз. Масалан, мени ҳеч ким Қирғизистонга таклиф қилмади. Мен ўзим самолёт чиптасини сотиб олдим ва меҳмонхонани ижарага олдим. Тўғридан-тўғри «меҳмонлар» ҳақида ёзганларнинг ҳеч бири мени гул ва бир товоқ бешбармоқ билан кутиб олишмади, шунинг учун мен ҳеч кимдан қарздор эмасман. Қолаверса, ажойиб мамлакатингизга келган одамларга меҳмон сифатида эмас, балки мижоз сифатида қараш керак. Ахир улар пул сарфлаш ва хизматларингиздан фойдаланиш учун келишади. Мижоз эса доим ҳақдир», — дейди Варламов.
Шунингдек, у мижоз сифатида хизмат кўрсатиш, экология, транспорт, архитектурадан норози бўлишга ҳақли эканини таъкидлади.
«Бизнесга ўхшатиш учун, мамлакатни катта ресторан деб тасаввур қилинг. Сиз ҳаракат қиласиз, уни ривожлантирасиз, кейин мижозлар келиб, нимадандир норози бўлади. Агар сиз ҳар бир норози одамни ҳайдаб юборсангиз ва уларга «берганни еб, бошим қотирма» десангиз, ресторанингиз жуда тез ўлади. Мижоз нимани ёқтирмаслигини тинглаш ва уни тузатишга ҳаракат қилиш анча кераклидир. Танқидни ватанни хафа қилиш учун эмас, балки совға сифатида кўриш керак. Россиядан Қирғизистонга кўплаб одамлар келган бугун кунда, уларнинг оғзини ёпишнинг ҳожати йўқ. Аксинча, тингланг, нима нотўғри эканини, қандай хизматлар етишмаётганини, нимани яхшилаш мумкинлигини билиб олинг. Ишончим комилки, бундай ёндашувдан мамлакат фақат фойда кўради», — деб ҳисоблайди блогер.
Шарҳларда кўплаб интернет фойдаланувчилари блогерни танқид қилиб, «сўралмаган маслаҳатни бермаслик» сўралган.
Изоҳ (1)
Assalomualekum xurmatli hamyurtlar va yaxshi insonlar sizlardan iltimos tez tibbiy xodimlariga qo'l ko'tarmang qaytar dunyo u insonlardi o'rnida sizning akanggiz ukangiz yoki opa singlingiz balki farzandlaringgiz bo'llishi mumkin xurmat bilan ISIUZ jamoasi