Joriy yilning 9 oyi davomida bank kartalariga kirim qilingan mablag‘lar o‘tgan yilning shu davriga nisbatan 88,7 foizga (179,8 trln so‘mga) oshib, 382,6 trln so‘mni tashkil qildi. Bu haqda Markaziy bank xabar bermoqda.
Ushbu mablag‘larning 125,6 trln so‘mi — pensiya, nafaqa va ish haqi to‘lovlari, 121,9 trln so‘mi — kartadan kartaga o‘tkazmalar, 79,1 trln so‘mi — naqd pulda va omonat hisobvaraqlaridan bank kartalariga kirim qilingan mablag‘lar hissasiga to‘g‘ri kelgan.
Ushbu davrda bank kartalaridagi 105,5 trln so‘mlik (27,6 foiz) mablag‘lar aholi tomonidan naqdlashtirib olingan.
Shundan bankomatlar orqali 83,4 trln so‘mlik va bank kassalari orqali 22 trln so‘mlik naqd pullar yechilgan.
Bank kartalariga kelib tushgan mablag‘lar va ularni naqdlashtirish hajmlari dinamikasi (mlrd so‘mda):
Banklarga tushgan naqd pullarning ularga bo‘lgan talab o‘rtasidagi farq Markaziy bank tomonidan muomalaga qo‘shimcha naqd pullarni chiqarish orqali ta’minlab borildi.
Markaziy bank tomonidan joriy yilning 9 oyi mobaynida muomalaga qo‘shimcha 15,1 trln so‘m naqd pullar chiqarildi va 1-oktabr holatiga naqd pullarning umumiy pul massasidagi ulushi 25,1 foizni tashkil etdi.
Izoh (0)