Moliya vaziri Timur Ishmetov o‘z Twitter sahifasida “Tashabbusli budjet” loyihasi doirasida yillar kesimida qancha sarflanishini ma’lum qildi.
Unga ko‘ra, loyiha doirasida 2021-yil uchun 530 mlrd so‘m mablag‘ ajratilgan. Joriy yil uchun esa bu ko‘rsatkich 2,5 trln so‘mni tashkil qildi.
Moliya vaziri 2023-yil uchun loyiha doirasida 8 trln so‘m sarflanishini ta’kidlab o‘tgan.
“Fuqarolarning faolligiga prezidentning e’tibori. Qarsak ikki qo‘ldan chiqadi”, — deydi Timur Ishmetov.
Avvalroq “Tashabbusli budjet”da 2 mingdan ortiq ovoz to‘plagan, ammo g‘olib bo‘lolmagan loyihalar uchun qo‘shimcha mablag‘ ajratilishi haqida xabar berilgan edi.
Izoh (0)