2022-yil yanvar—sentabr oylarida banklar orqali naqd pul aylanmasi hajmi 503 trln so‘mni tashkil etib, o‘tgan yilning mos davriga nisbatan 39,3 foizga oshdi. Bu haqda Markaziy bank xabar bermoqda.
Bank kassalariga naqd pul tushumlari 244,3 trln so‘mni, chiqim qilingan naqd pullar 258,7 trln so‘mni tashkil etdi.
Joriy yilning yanvar—sentabr oylarida bank kassalariga jami naqd pul tushumlari o‘tgan yilning shu davriga nisbatan 36,7 foizga oshgani kuzatildi.
Xuddi shu davrda savdo va xizmatlar sohasidan tushumlar 27,5 foizga (24,7 trln so‘m) va bank xizmatlaridan naqd pul tushumlari 62,3 foizga (31,8 trln so‘m) oshdi.
Naqd pul tushumlari hajmi va tarkibi dinamikasi (mlrd so‘m):
Jami tushumlar tarkibida savdo va xizmatlar sohasidan tushumlar ulushi 3,4 foiz bandga kamayishi kuzatildi.
2022-yilning 9 oyida savdo va xizmatlar sohasidan jami tushumlar 183,1 trln so‘mni tashkil qilib, shundan 62,6 foizi (114,6 trln so‘m) naqd shaklda, 37,4 foizi (68,5 trln so‘m) terminallar orqali bank hisob raqamlariga kirim qilindi.
O‘tgan yilning shu davrida mos ravishda 64,4 foizi (89,9 trln so‘m) naqd shaklda, 35,6 foizi (49,6 trln so‘m) terminallar orqali bank hisob raqamlariga kirim qilingan.
Joriy yilning yanvar—sentabr oylarida bank kassalaridan (shu jumladan, bankomatlardan) berilgan naqd pullar 2021-yilning mos davriga nisbatan 41,8 foizga (76,2 trln so‘m) ko‘paydi.
Banklardan naqd puldagi chiqimlar hajmi va ularning maqsadlari bo‘yicha tarkibiy dinamikasi (mlrd so‘mda):
Ushbu o‘sishning asosiy qismi bank kartalaridan naqd pul yechish miqdori 38,6 trln so‘mga (o‘tgan yilning shu davriga nisbatan o‘sish 57,7 foiz), aholining omonat hisob raqamlaridan naqd pullar olish hajmining 4,9 trln so‘mga (38,7 foiz) va banklar tomonidan naqd chet el valyutasini sotib olish operatsiyalarini 17 trln so‘mga (35,6 foiz) oshishi hisobiga yuzaga keldi.
Izoh (0)