Intel shaxsiy kompyuterlarga bo‘lgan talabning sezilarli darajada pasayishini hisobga olgan holda, minglab xodimlarini ishdan bo‘shatishga tayyorlamoqda. Bu haqda Bloomberg axborot manbalariga tayanib xabar berdi.
Manbalarga ko‘ra, qisqartirishlar shu oyning boshida rasman e’lon qilinishi mumkin. Ushbu e’lon 27-oktabrga rejalashtirilgan uchinchi chorak natijalari taqdim qilinishiga to‘g‘ri kelishi kutilmoqda.
Hozirda Intel’da 113 mingga yaqin kishi ishlaydi. Agentlik manbalariga ko‘ra, Intel’ning ayrim bo‘linmalarida, masalan, savdo va marketing uchun mas’ul bo‘lgan xodimlarining 20 foizigacha qisqartirilishi mumkin.
Intel hamda boshqa kompyuter va butlovchi qism ishlab chiqaruvchilari shaxsiy kompyuterlar sotuvining pasayishidan aziyat chekmoqda.
IDC tadqiqot kompaniyasi ma’lumotlariga ko‘ra, joriy yilning uchinchi choragida global shaxsiy kompyuterlar sotuvi 15 foizga kamaydi va 19,5 foizga yanada sezilarli pasayishni taxmin qilinmoqda, bu kamida 20 yildagi eng katta pasayishdir.
Iyul oyida Intel yillik sotuvlar kutilganidan past bo‘lishi va taxminan 11 milliard dollarni tashkil etishi haqida ma’lum qilgan edi.
Tahlilchilar uchinchi chorakda kompaniya daromadi 15 foizga qisqarishini taxmin qilmoqda.
Izoh (0)