Jizzax viloyati, Jizzax shahri, Sharof Rashidov tumanidagi “O‘zbekiston” mehmonxonasi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga “Grand Tower” kompaniyasi tomonidan qo‘yilgan. Mehmonxona 9 qavatli va 264 xonadan iborat.
Yer uchastkasining umumiy maydoni — 0,52 gektar. Binoning maydoni — 10 608 kvadrat metr.
1980-yilda qurilgan ushbu mehmonxonada suv, elektr, gaz ta’minoti va kanalizatsiya tizimi mavjud.
Lot izohida yozilishicha, mehmonxona inventar jihozlari bilan birga auksionga qo‘yilgan.
Auksionga qo‘yilgan mehmonxonaning boshlang‘ich bahosi — 36,7 mlrd so‘m. Arizalar 31-oktabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq sobiq “Buxoroteks”ga qarashli majmua auksionda 110 mlrd so‘mga sotilgani haqida xabar berilgan edi.
Izoh (0)