O‘zbekiston tovar-xomashyo birjasi (UZEX) BAA bozoriga kirishni rejalashtirmoqda. Bu haqda Investitsiyalar va tashqi savdo vazirligi xabar bermoqda.
O‘zbekiston Respublikasi tovar-xomashyo birjasi (UZEX) va Dubay ko‘p tarmoqli tovar va xomashyo markazi rahbariyati (DMCC) bilan muzokaralar tashkil etildi.
Muzokarada hamkorlikni yo‘lga qo‘yish masalalari, xususan, UZEX platformasi samaradorligini oshirish maqsadida DMCC ning ilg‘or tajribasini qo‘llash ko‘rib chiqilgan.
Shuningdek, BAA bozorida UZEX savdo platformasini yaratish masalalari muhokama qilindi.
Hamkorlikning amaliy bosqichlarini boshlash maqsadida UZEX delegatsiyasining yaqin kunlarda BAAga tashrifini tashkil etish bo‘yicha kelishuvlarga erishildi.
Avvalroq Italiyada O‘zbekiston tovar-xomashyo birjasi vakolatxonasi ochilishi haqida xabar berilgandi.
Izoh (0)