Intel шахсий компьютерларга бўлган талабнинг сезиларли даражада пасайишини ҳисобга олган ҳолда, минглаб ходимларини ишдан бўшатишга тайёрламоқда. Бу ҳақда Bloomberg ахборот манбаларига таяниб хабар берди.
Манбаларга кўра, қисқартиришлар шу ойнинг бошида расман эълон қилиниши мумкин. Ушбу эълон 27 октябрга режалаштирилган учинчи чорак натижалари тақдим қилинишига тўғри келиши кутилмоқда.
Ҳозирда Intel’да 113 мингга яқин киши ишлайди. Агентлик манбаларига кўра, Intel’нинг айрим бўлинмаларида, масалан, савдо ва маркетинг учун масъул бўлган ходимларининг 20 фоизигача қисқартирилиши мумкин.
Intel ҳамда бошқа компьютер ва бутловчи қисм ишлаб чиқарувчилари шахсий компьютерлар сотувининг пасайишидан азият чекмоқда.
IDC тадқиқот компанияси маълумотларига кўра, жорий йилнинг учинчи чорагида глобал шахсий компьютерлар сотуви 15 фоизга камайди ва 19,5 фоизга янада сезиларли пасайишни тахмин қилинмоқда, бу камида 20 йилдаги энг катта пасайишдир.
Июль ойида Intel йиллик сотувлар кутилганидан паст бўлиши ва тахминан 11 миллиард долларни ташкил этиши ҳақида маълум қилган эди.
Таҳлилчилар учинчи чоракда компания даромади 15 фоизга қисқаришини тахмин қилмоқда.
Изоҳ (0)