Ukrainadagi mojaroga tezroq barham berish uchun zudlik bilan tinchlik muzokaralarini boshlash kerak. Bu haqda AQSHning sobiq prezidenti Donald Tramp Nevada shtatidagi tarafdorlari bilan uchrashuv chog‘ida gapirdi.
“Hozir Rossiya va Ukraina o‘rtasida mojaro bor. Biz urushni tinch yo‘l bilan tugatish bo‘yicha zudlik bilan muzokaralarga kelishimiz kerak, aks holda uchinchi jahon urushiga duchor bo‘lamiz”, — dedi Tramp.
Tramp Rossiya va Ukrainani muzokara stoliga o‘tirishga birinchi marta chaqirayotgani yo‘q. Sentabr oxirida u ikki davlatga o‘z vositachiligini taklif qilgandi.
“Strategik bo‘ling, aqlni ishlating. Hozir ayni kelishuvni tugallash vaqti. Har ikki tomon ham bunga muhtoj va buni xohlaydi. Butun dunyo xavf ostida. Tomonlarning guruhiga rahbarlik qilaymi?” — degan Tramp.
Avvalroq Tramp AQSHning amaldagi prezident Jo Bayden ma’muriyatini tanqid qilib, uni mojaroni boshlaganlikda ayblagan edi.
Izoh (0)