Toshkentda “prava” olish uchun imtihondan o‘tkazib qo‘ymoqchi bo‘lgan boshliq o‘rinbosari qo‘lga tushdi

Toshkentda haydovchilik guvohnomasini olish uchun pul evaziga imtihondan o‘tkazib qo‘ymoqchi bo‘lgan shaxs ushlandi. Bu haqda Bosh prokuratura huzuridagi departament xabar berdi.

Departamentning Chilonzor tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda “Vatanparvar” tashkilotining “Sergeli O‘quv STK” UK boshlig‘i o‘rinbosari U.T. fuqaro R.ni haydovchilik guvohnomasini olish uchun bo‘lib o‘tadigan imtihondan o‘tkazib qo‘yish evaziga 500 dollarni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir: Jami 13 ming dollar va 7 mln so‘m: 3 ta hududda “prava”ni noqonuniy olib bergan shaxslar ushlandi