Qoraqalpog‘iston Jo‘qorg‘i Kengesi Raisi Amanbay O‘rinbayev 7 nafar hokimni ogohlantirdi. Bu haqda u Jo‘qorg‘i Kengesning 36-sessiyasida ma’lum qildi, deya xabar berdi “Daryo” muxbiri.
Sessiyada so‘z olgan Amanbay O‘rinbayev yangi ish o‘rinlarini yaratish va aholi bandligini ta’minlash sohasida qilinayotgan ishlar talab darajasida emasligini aytib, mas’ullarni keskin tanqid qilgan.
Ta’kidlanishicha, Vazirlar Kengashi Raisining qishloq xo‘jaligi masalalari bo‘yicha o‘rinbosari Daryabay Qayipov, Bandlik va mehnat munosabatlari vaziri Yo‘ldosh Alimov, Fermer dehqon xo‘jaliklari va tomorqa yer egalari kengashi raisi Quanish Nurimbetov, Qoraqalpoq agro pilla jamiyati boshlig‘i Davletbay Xo‘jaqov, Chimboy, Beruniy, Qonliko‘l, Amudaryo, Taxiatosh, Xo‘jayli va Taxtako‘pir tumanlari hokimlari yangi ish o‘rinlarini yaratish va aholi bandligini ta’minlash borasida amalga oshirayotgan ishlarida xato-kamchiliklari yo‘l qo‘ygani uchun “qattiq ogohlantirilgan”.
Amanbay O‘rinbayevning sessiyada “Agar yil yakuniga qadar yuqoridagi rahbarlar kamchiliklarni bartaraf etmasa, keskin choralar ko‘riladi”, — degan.
Izoh (0)