Rossiyadagi mehnat muhojirlari harbiy xizmatga majburiy chaqirilishi haqidagi mish-mishlar rad etildi

Rossiyadagi harbiy xizmatga chet el fuqarolari, shu jumladan, Markaziy Osiyo davlatlaridan kelgan mehnat muhojirlari majburiy chaqirilishi haqidagi mish-mishlar rad etildi.

Rossiyaning O‘zbekistondagi elchixonasi ma’lum qilishicha, internetda tarqalgan bunday xabarlar haqiqatga to‘g‘ri kelmaydi.

“G‘alamislar Rossiya IIVning soxta buyrug‘iga tayanib, Rossiyada vaqtincha bo‘lib turgan O‘zbekiston, Tojikiston va Qirg‘iziston fuqarolari qisman safarbar qilinishi haqidagi soxta xabarlar tarqatmoqda. Agar ular shartnoma tuzishdan bosh tortsa, go‘yoki ularning ishlashga ruxsatnomalari bekor qilinib, deportatsiya qilinadi.

Rossiyada bo‘lib turgan O‘zbekiston fuqarolarini turli provokatsiyalarga berilmaslikka va faqat rasmiy ma’lumotlarga tayanishga chaqiramiz”, — deyiladi elchixona xabarida.

Mavzuga doir: “Hozir Rossiyadan zudlik bilan ketish kerak bo‘lgan vaziyat yo‘q” — yurist migrantlar harbiy safarbarlikka majburan jalb etilmayotgani haqida