Тошкентда ҳайдовчилик гувоҳномасини олиш учун пул эвазига имтиҳондан ўтказиб қўймоқчи бўлган шахс ушланди. Бу ҳақда Бош прокуратура ҳузуридаги департамент хабар берди.
Департаментнинг Чилонзор туман бўлими томонидан ИИБ ходимлари билан ҳамкорликда ўтказилган тезкор тадбирда «Ватанпарвар» ташкилотининг «Сергели Ўқув СТК» УК бошлиғи ўринбосари У.Т. фуқаро Р.ни ҳайдовчилик гувоҳномасини олиш учун бўлиб ўтадиган имтиҳондан ўтказиб қўйиш эвазига 500 долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир: Жами 13 минг доллар ва 7 млн сўм: 3 та ҳудудда «права»ни ноқонуний олиб берган шахслар ушланди
Изоҳ (0)