Deyarli 4,5 million nafar o‘zbekistonlik mol-mulk va yer solig‘idan 2,7 trillion so‘m qarzdor. Bu haqda AOKAda o‘tkazilgan brifingda Davlat soliq qo‘mitasi axborot xizmati rahbari Dildora Hoshimova ma’lum qildi.
Qayd etilishicha, Soliq kodeksiga muvofiq, jismoniy shaxslar mol-mulk va yer solig‘ini 15-aprel va 15-oktabrga qadar teng ulushlarda to‘lashi lozim.
2022-yilda jami 8 million 85 ming nafar yer uchastkasi va undagi ko‘chmas mulklari mavjud bo‘lgan jismoniy shaxslarga 3 trillion 450 milliard so‘m yer va mol-mulk soliqlari hisoblangan.
2022-yilning 28-sentabr sanasiga qadar 2 trillion 5 milliard so‘m, ya’ni 58 foizi to‘langan. Shuningdek, 4 million 400 ming nafar fuqaroning o‘tgan yildan qolgan qarzdorligi bilan qo‘shib hisoblaganda 2 trillion 798 milliard 4 million so‘mlik soliqlari to‘lanmasdan qolmoqda.
Izoh (0)