Деярли 4,5 миллион нафар ўзбекистонлик мол-мулк ва ер солиғидан 2,7 триллион сўм қарздор. Бу ҳақда АОКАда ўтказилган брифингда Давлат солиқ қўмитаси ахборот хизмати раҳбари Дилдора Ҳошимова маълум қилди.
Қайд этилишича, Солиқ кодексига мувофиқ, жисмоний шахслар мол-мулк ва ер солиғини 15 апрель ва 15 октябрга қадар тенг улушларда тўлаши лозим.
2022 йилда жами 8 миллион 85 минг нафар ер участкаси ва ундаги кўчмас мулклари мавжуд бўлган жисмоний шахсларга 3 триллион 450 миллиард сўм ер ва мол-мулк солиқлари ҳисобланган.
2022 йилнинг 28 сентябрь санасига қадар 2 триллион 5 миллиард сўм, яъни 58 фоизи тўланган. Шунингдек, 4 миллион 400 минг нафар фуқаронинг ўтган йилдан қолган қарздорлиги билан қўшиб ҳисоблаганда 2 триллион 798 миллиард 4 миллион сўмлик солиқлари тўланмасдан қолмоқда.
Изоҳ (0)