Германия хавфсизлик хизматлари «Шимолий оқим 1» ва «Шимолий оқим 2» газ қувурларининг учта линияси зудлик билан таъмирланмаса, улар коррозия натижасида бутунлай ишдан чиқишини билдирди. Бу ҳақда Tagesspiegel хабар бермоқда.
Германияда Федерал Ташқи ишлар вазирлигининг инқироз гуруҳи, шунингдек, бир нечта федерал вазирликлар ҳодиса билан шуғулланмоқда.
Назарияга кўра, ғаввослар «Шимолий оқим 1»нинг иккита қувурига ва «Шимолий оқим 2»нинг ҳали ишга тушмаган иккита қувуридан бирига портловчи моддалар бириктирган бўлиши мумкин.
Tagesspiegel нашрига кўра, портлашлар оқибатида сизиб чиққан газ ҳажми жуда катта ва босимнинг тушиш тезлиги мос равишда юқори. Воқеа содир бўлган учта жой ўртасида ҳам сезиларли масофа мавжуд.
Воқеа фонида федерал полиция томонидан Германиянинг суверен сувлари устидан назорат кучаймоқда, улар муҳим инфратузилманинг тегишли йўналишларини диққат билан кузатиб бормоқда.
26 сентябрга ўтар кечаси Даниянинг Борнҳолм ороли яқинидаги эксклюзив иқтисодий зонасида «Шимолий оқим 2» газ қувурларидан бири ва «Шимолий оқим 1»нинг иккала трубкасидан газ сизиб чиққан. Швеция ва даниялик сейсмологлар ўша тунда ҳудудда портлашларни қайд этган.
Европанинг турли давлатлари ва Европа Иттифоқи тузилмаларининг юқори мартабали амалдорлари бир вақтнинг ўзида учта қувурга зарар етказилиши саботаж бўлиши мумкинлигини тахмин қилган.
Изоҳ (0)