Markaziy bankda Janubiy Koreyaning BNK Kyongnam Bank boshqaruv raisi Choy Xong Yong boshchiligidagi delegatsiya bilan uchrashuv bo‘lib o‘tdi. Bu haqda bankning matbuot xizmati xabar bermoqda.
Markaziy bank rahbariyati mehmonlarni mamlakat bank tizimining joriy holati bilan tanishtirdi.
Kyongnam Bank rahbariyati amalga oshirilayotgan islohotlar natijasida mamlakat iqtisodiyotidagi ijobiy o‘zgarishlarni qayd etdi.
Shuningdek, mehmonlar raqamli bank xizmatlariga ixtisoslashgan sho‘ba bank ochish rejasini e’lon qildi.
Bu orqali ular Koreya bankining O‘zbekiston moliya bozoridagi ishtirokini kengaytirish niyatida.
Markaziy bank vakillari tomonidan O‘zbekistonning amaldagi qonunchiligiga muvofiq bank ochish tartibi to‘g‘risida tushuntirish berildi.
1970-yilda tashkil topgan BNK Kyongnam Bank BNK Financial Group moliyaviy guruhi tarkibiga kiradi va Janubiy Koreyadagi eng yirik banklardan biri sanaladi.
2021-yil 11-martda BNK Kyongnam Bank Markaziy bankning akkreditatsiyasiga asosan O‘zbekistonda o‘z vakolatxonasini ochgan.
Izoh (0)