Moskva birjasi indeksi 24-fevraldan beri birinchi marta 2 ming punktdan pastga tushdi. Bu haqda “Kommersant” xabar bermoqda.
Ertalabki savdolar davomida Moskva birjasi indeksi 4,69 foizga tushib, 1 991 ga yetdi. Indeks 24-fevraldan beri birinchi marta 2000 dan pastga tushdi. RTS indeksi 5,8 foizga tushib, 1 075 punktni tashkil etdi.
Kompaniyalar kesimida VK aksiyalari 7 foizga, Yandex aksiyalari 5,7 foizga, Lukoil aksiyalari esa 4,3 foizga pasaydi.
LXR, DXR, Zaporojye va Xarkov viloyatlarining Rossiyaga qo‘shilish bo‘yicha referendumlari fonida fond bozori pasayib bormoqda.
Avvalroq Qozog‘iston Ukraina viloyatlarining Rossiyaga qo‘shilishi bo‘yicha referendumlarni tan olmasligini ma’lum qilgan edi.
Izoh (0)