Tojikistonda karta egalari soni bo‘yicha ikkinchi o‘rinda turadigan Dushanbe City Bank texnik nosozliklar tufayli MIR to‘lov tizimi bilan bog‘liq operatsiyalani to‘xtatdi. Kompaniya ma’lumotlariga ko‘ra, nosozliklar 24-sentabrdan beri davom etmoqda. Bu haqda “Kommersant” xabar berdi.
O‘tgan shanba kunidan boshlab Dushanbe City Bank Rossiyaning MIR to‘lov tizimi bilan ishlashda texnik muammolar mavjudligini qayd etdi. Ayni damda MIR to‘lov tizimining kartalariga Dushanbe shahrining bankomatlari va POS-terminallarida xizmat ko‘rsatilmaydi.
Bank matbuot xizmatiAQSHning MIR to‘lov tizimiga nisbatan mumkin bo‘lgan sanksiyalari fonida ba’zi mamlakatlar banklari Rossiya kartalari bilan ishlashni to‘xtatdi.
Bu tashkilotlar qatorida O‘zbekistondan UzCard, Turkiyadan İşbank va DenizBank banklari bor.
Bundan tashqari Qozog‘iston va Vyetnam banklari ham MIR kartalariga xizmat ko‘rsatmasligini ma’lum qilgan.
23-sentabr kuni ukrainalik xakerlar tomonidan MIR kartalari va Milliy to‘lov kartalari tizimi operatoriga (NSPK) keng ko‘lamli DDoS hujumlari bo‘lgan edi.
Izoh (0)