Марказий банкда Жанубий Кореянинг BNK Kyongnam Bank бошқарув раиси Чой Хонг Ёнг бошчилигидаги делегация билан учрашув бўлиб ўтди. Бу ҳақда банкнинг матбуот хизмати хабар бермоқда.
Марказий банк раҳбарияти меҳмонларни мамлакат банк тизимининг жорий ҳолати билан таништирди.
Kyongnam Bank раҳбарияти амалга оширилаётган ислоҳотлар натижасида мамлакат иқтисодиётидаги ижобий ўзгаришларни қайд этди.
Шунингдек, меҳмонлар рақамли банк хизматларига ихтисослашган шўъба банк очиш режасини эълон қилди.
Бу орқали улар Корея банкининг Ўзбекистон молия бозоридаги иштирокини кенгайтириш ниятида.
Марказий банк вакиллари томонидан Ўзбекистоннинг амалдаги қонунчилигига мувофиқ банк очиш тартиби тўғрисида тушунтириш берилди.
1970 йилда ташкил топган BNK Kyongnam Bank BNK Financial Group молиявий гуруҳи таркибига киради ва Жанубий Кореядаги энг йирик банклардан бири саналади.
2021 йил 11 мартда BNK Kyongnam Bank Марказий банкнинг аккредитациясига асосан Ўзбекистонда ўз ваколатхонасини очган.
Изоҳ (0)