Qirol Charlz III portreti aks etgan banknotalar 2024-yilning o‘rtalarida muomalaga kirishi kutilmoqda. Bu haqda Angliya banki xabar bermoqda.
Markaziy bank yil oxirigacha polimerlarda ishlatiladigan yangi monarxning suratini ochib beradi, deyiladi bayonotda.
5, 10, 20 va 50 funt sterlinglik banknotlarga qo‘shimcha o‘zgartirishlar kiritilmaydi. 70 yillik hukmronlikdan keyin shu oy boshida vafot etgan qirolicha Yelizaveta II Buyuk Britaniya banknotlarida 1960-yildan beri saqlanib kelmoqda.
Uning surati aks etgan hozirgi polimer banknotlar qonuniy to‘lov vositasi bo‘lib qoladi va faqat eskirgan yoki shikastlangandan keyingina muomaladan olib tashlanadi, — deydi Angliya banki.
Bu e’lon Buyuk Britaniyaning so‘nggi qog‘oz pullari 30-sentabrda qonuniy to‘lov vositasi bo‘lishni to‘xtatganidan bir necha kun oldin paydo bo‘ldi.
Angliya banki o‘tgan hafta muomalada ulardan 11 milliard funt sterling qolganini aytgandi.
Avvalroq Britaniya tangalari va banknotalari Charlz III portreti tushirilgan yangilariga almashtirilishi haqida xabar berilgan edi.
Izoh (0)