Yo‘lovchilarga qulaylik yaratish maqsadida Toshkent—Chirchiq—Hojikent tezyurar shaharlararo elektropoyezdlar qatnovi joriy etildi. Bu haqda “O‘ztemiryo‘lyo‘lovchi” AJ xabar berdi.
Ta’kidlanishicha, Toshkent—Chirchiq—Hojikent temiryo‘l hududi infratuzilmasi zamonaviy talablarga javob berishini ta’minlash maqsadida yangi temiryo‘l o‘tkazgichlar qurilishi ishlari tugatildi, uchastka bo‘ylab temiryo‘l izlari ta’mirlandi, temir beton ustunlari yangilandi.
Shu munosabat bilan 24-sentabrdan boshlab haftaning har shanba va yakshanba kunlari harakatlanadigan ushbu yo‘nalishda tezyurar elektropoyezdlar qatnovi joriy etildi. Natijada yo‘lga sarflanadigan vaqt 1 soatga qisqardi. Jadval ishlab chiqish natijasida Toshkent—Chirchiq oralig‘idagi elektropoyezdning harakatlanish vaqti 45 daqiqaga, Chirchiq—Hojikent oralig‘ida 15 daqiqaga qisqardi va yo‘lga sarflanadigan umumiy vaqt 1 soat 40 daqiqani tashkil etdi.
Poyezdlar Toshkent janubiy vokzalidan va Hojikent bekatidan quyidagi jadval asosida harakatlanadi:
- 6429-sonli Toshkent 07:10 — Hojikent 08:53;
- 6430-sonli Hojikent 09:18 — Toshkent 11:00;
- 6435-sonli Toshkent 13:38 — Hojikent 15:19;
- 6436-sonli Hojikent 15:44 — Toshkent 17:26.
Izoh (0)