Toshkentda 22-sentabr kuni “Xalqaro avtomobilsiz kun” munosabati bilan “Velosiped kuni” aksiyasi uyushtirilishi sabab Maxtumquli ko‘chasida transport harakati cheklanadi.
Poytaxt hokimligi matbuot xizmatining ma’lum qilishicha, aksiya ishtirokchilari Maxtumquli ko‘chasidan “Yangi O‘zbekiston” bog‘igacha bo‘lgan 11, 5 kilometr masofani velosipedda bosib o‘tadi.
Shu munosabat bilan Maxtumquli ko‘chasi Botkin ko‘chasi bilan kesishmasidan “Yangi O‘zbekiston” bog‘igacha bo‘lgan oraliq soat 07:00 dan soat 09:00 gacha yopiladi.
Toshkent shahar hokimligi noqulayliklar uchun uzr so‘rab, haydovchilarga aylanma yo‘llardan foydalanishni tavsiya qilgan.
Izoh (0)