Тошкентда 22 сентябрь куни «Халқаро автомобилсиз кун» муносабати билан «Велосипед куни» акцияси уюштирилиши сабаб Махтумқули кўчасида транспорт ҳаракати чекланади.
Пойтахт ҳокимлиги матбуот хизматининг маълум қилишича, акция иштирокчилари Махтумқули кўчасидан «Янги Ўзбекистон» боғигача бўлган 11, 5 километр масофани велосипедда босиб ўтади.
Шу муносабат билан Махтумқули кўчаси Боткин кўчаси билан кесишмасидан «Янги Ўзбекистон» боғигача бўлган оралиқ соат 07:00 дан соат 09:00 гача ёпилади.
Тошкент шаҳар ҳокимлиги ноқулайликлар учун узр сўраб, ҳайдовчиларга айланма йўллардан фойдаланишни тавсия қилган.
Изоҳ (0)