SpaceX kosmik kompaniyasi asoschisi Ilon Mask AQSH rasmiylaridan Starlink internet tarmog‘ining Eronda ham ishlashiga ruxsat so‘ramoqchi. Bu haqda u Twitter sahifasida yozgan.
“Starlink Eronga qarshi sanksiyalardan tegishli tarzda chiqarib tashlanishni so‘raydi”, — deb yozgan Mask Twitter foydalanuvchisining Eronni Starlink zonasiga kiritishning texnik imkoniyati haqidagi savoliga javob berib.
Avvalroq Mask Starlink internet tarmog‘i endi Yer sayyorasining barcha qit’alarida ishga tushgani haqida tvit qoldirgandi.
Starlink — yuqori tezlikdagi internetdan global foydalanishni ta’minlash maqsadidagi sun’iy yo‘ldoshlar tizimini yaratish loyihasi. Sun’iy yo‘ldoshlar 550 km balandlikdagi orbitaga joylashtirilmoqda, kompaniya 2020-yillar o‘rtalarigacha shunday qurilmalardan qariyb 12 mingtasini koinotga chiqarishni rejalashtirmoqda.
Izoh (0)