Germaniya Donetsk va Lugansk Xalq Respublikalari, shuningdek, Xerson va Zaporojye viloyatlari hududlarini Rossiya tarkibiga qo‘shish bo‘yicha referendumlarni tan olmasligini ma’lum qildi, deya xabar qiladi “RBK”.
“Bunaqangi uydirma referendumlar qabul qilib bo‘lmaydigan ish. Ular xalqaro huquq va jahon hamjamiyati erishgan kelishuvlarga bo‘ysunmasligi mutlaqo aniq”, — dedi Germaniya kansleri Olaf Shols Nyu-Yorkdagi BMT Bosh assambleyasi chog‘ida.
Manbaning ta’kidlashicha, referendum o‘tkazish niyatidagi mintaqalar Rossiya prezidenti Vladimir Putinga murojaat qilib, Rossiya tarkibiga qo‘shilishning tezlashtirilishini so‘rashgan. Putin bu masala yuzasidan 20-sentabr oqshomida bayonot berishni rejalashtirmoqda, deyiladi xabarda.
Mavzuga doir: NATO Ukrainani qo‘llab-quvvatlashini, ammo Rossiya bilan urush holatida emasligini ma‘lum qildi
Izoh (0)