Hindistonning Uttar-Pradesh shtatida ikki opa-singil vahshiylarcha zo‘rlanib, o‘ldirildi. Bu haqda The Guardian xabar bermoqda.
Lakhimpur tumanida joylashgan uyi yaqinida 15 va 17 yoshli qizlarning jasadi daraxtda ro‘moliga osilgan holda topilgan.
Ekspertiza xulosalariga ko‘ra, opa-singillar shakarqamish dalasiga majburan sudrab olib ketilgan va zo‘rlangan. Shundan so‘ng ularning ikkisi ham bo‘g‘ib o‘ldirilgan.
Hodisa yuzasidan olti erkak, shu jumladan, oilaning qo‘shnisi hibsga olingan. Ular qasddan zo‘rlash, qotillik va qotillikni yashirishga yordam berishda ayblangan.
Politsiya ma’lumotlariga ko‘ra, erkaklar qizlarga tanish va bir qishloqda istiqomat qiluvchi kishilar bo‘lgan. Shu bilan birgalikda qizlar ixtiyoriy ravishda ular bilan birga ketgan.
Biroq qizlarning onasi bu ma’lumotga e’tiroz bildirgan va ikki erkak uyga kelib, qizlarini skuterlarda majburan olib ketganini ta’kidlagan.
Ularni to‘xtatmoqchi bo‘ldim va orqalaridan yugurdim. Lekin erkaklar meni kaltaklab tashladi. Shundan so‘ng qichqira boshladim va qishloq aholisidan yordam so‘rash uchun orqaga yugurdim.Politsiya jasadlarni o‘z oilasiga qaytarib berdi. Lekin hukumat sud jarayonlarini tez fursatda o‘tkazib, tovon puli to‘lashni va’da qilmaguncha, oila farzandlarining krematsiyasi (jasadni kuydirish)ni amalga oshirishdan bosh tortgan.
Shuningdek, voqea ko‘plab mahalliy noroziliklarga sabab bo‘lgan.
Reuters agentligi tomonidan 2018-yilda o‘tkazilgan so‘rovlar natijasiga ko‘ra Hindiston ayol-qizlar uchun eng xavfli mamlakat deb topilgan.
Hindistonda ayollarga nisbatan jinsiy zo‘ravonlikning haqiqiy ko‘lami raqamlarda ko‘rsatilganidan ancha ko‘proq, deya ta’kidlanadi.
Hukumat ma’lumotlariga asoslangan hisob-kitoblarga ko‘ra, mamlakatdagi jinsiy zo‘ravonlik holatlarining qariyb 99 foizi xabar qilinmaydi.
Ma’lumot uchun: ushbu ro‘yxat Hindistonda nomutanosib ravishda jinsiy zo‘ravonlikka uchragan, ammo adolatdan mahrum etilgan Dalit ayollarining ahvolini hujjatlashtiradi.
Izoh (0)