Qirolicha Yelizaveta II ning tobuti dafn marosimidan oldin to‘rt kun davomida Londondagi Vestminster-xollda turdi. Britaniya fuqarolari va boshqa davlatlarning rasmiy delegatsiyalari qirolicha bilan vidolashish uchun u yerga tashrif buyurdi. Yelizaveta II ni so‘nggi manzilga kuzatish marosimi qanday o‘tgani haqida “RBK” fotoreportaj tayyorladi.
Rasmiy dafn marosimidan oldin Yelizaveta II tobuti oldida motam tutuvchilar saf tortdi. Saf juma kuni besh milga (taxminan sakkiz km) yetdi va undagi kutish vaqti 24 soatgacha cho‘zildi. The Guardian xabariga ko‘ra, 18-sentabr, yakshanba kuni soat 22:30da navbatdagi turgan odamlarning so‘ngilari qirolicha tobuti yoniga kiritildi.
Guardian gazetasining yozishicha, bugun (19-sentabr) shahar hokimiyati qirollik saroyi va Hayd-parkka 1 millionga yaqin odam kelishini kutmoqda. Kecha (18-sentabr) Trainline ma’lumotlari shuni ko‘rsatdiki, 19-sentabr holatiga ko‘ra Londonda transport xizmatlariga talab o‘tgan haftaga nisbatan 56 foizga oshgan.
“Aziz onam, marhum qirolichaga ta’zim qilish uchun qiyinchiliklarga bardosh bergan har bir kishi bizni juda hayratda qoldirdi”, — dedi qirol Charlz III.
“70 yil davomida siz bilan birga bo‘lganimizdan baxtiyormiz. Bu biz uchun sharaf”, — dedi Bayden. U shuningdek, qirolichani “tartibli, olijanob va xizmat vazifasiga sodiq” deb atadi.
Bukingem saroyi yonida old qatorga, qirolichaga hurmat ko'rsatish uchun kelganlar tomonidan chodirlar o'rnatildi. “Men shunchaki go‘zal ayolga bo‘lgan ehtiromimni ko‘rsatish uchun mukammal joyni egallamoqchi edim. Odamlar haqiqatan ham qirolicha bilan xayrlashish uchun jon kuydirishmoqda” — deydi chodir o‘rnatganlar safidagi 52 yoshli ayol.
Izoh (0)