Елизавета II билан видолашув маросими — суратларда
Қиролича Елизавета II нинг тобути дафн маросимидан олдин тўрт кун давомида Лондондаги Вестминстер-холлда турди. Британия фуқаролари ва бошқа давлатларнинг расмий делегациялари қиролича билан видолашиш учун у ерга ташриф буюрди. Елизавета II ни сўнгги манзилга кузатиш маросими қандай ўтгани ҳақида «РБК»фоторепортаж тайёрлади.
Шаҳзода Уильям (олдинги қаторда, марказда), шаҳзода Гарри (иккинчи қаторда, марказда) ва қироллик оиласининг бошқа аъзолари. Вестминстер-холл, Лондон, 17 сентябрь.Фото: Getty Images
Одамлар қиролича Елизавета II хотирасига ҳурмат бажо келтирмоқда, Вестминстер-холл, 18 сентябрь.Фото: Getty Images
Расмий дафн маросимидан олдин Елизавета II тобути олдида мотам тутувчилар саф тортди. Саф жума куни беш милга (тахминан саккиз км) етди ва ундаги кутиш вақти 24 соатгача чўзилди. The Guardian хабарига кўра, 18 сентябрь, якшанба куни соат 22:30да навбатдаги турган одамларнинг сўнгилари қиролича тобути ёнига киритилди.
Guardian газетасининг ёзишича, бугун (19 сентябрь) шаҳар ҳокимияти қироллик саройи ва Ҳайд-паркка 1 миллионга яқин одам келишини кутмоқда. Кеча (18 сентябрь) Trainline маълумотлари шуни кўрсатдики, 19 сентябрь ҳолатига кўра Лондонда транспорт хизматларига талаб ўтган ҳафтага нисбатан 56 фоизга ошган.
Одамлар Виндзор қалъаси дарвозаларига гул қўйишмоқда, 17 сентябрьФото: Getty Images
«Азиз онам, марҳум қироличага таъзим қилиш учун қийинчиликларга бардош берган ҳар бир киши бизни жуда ҳайратда қолдирди», — деди қирол Чарльз III.
АҚШ президенти Жо Байден, биринчи хоним Жилл Байден (ўнгда) ва АҚШнинг Буюк Британиядаги элчиси Жейн Ҳартли, Вестминстер-холл, 18 сентябрьФото: Getty Images
«70 йил давомида сиз билан бирга бўлганимиздан бахтиёрмиз. Бу биз учун шараф», — деди Байден. У шунингдек, қироличани «тартибли, олижаноб ва хизмат вазифасига содиқ» деб атади.
Қиролича Елизавета II нинг уй деразаларидаги фотосуратлари ва Виндзор қасрига кириш учун навбат, 18 сентябрьФото: Getty Images
Франция президенти Эммануэль Макрон ва унинг рафиқаси Брижит Макрон, Вестминстер-холл, 18 сентябрьФото: Getty Images
Кўнгилли киши Tower Bridge яқинида Елизавета II тобутига навбатда турган одамларга ёпинчиқ тарқатмоқда, 18 сентябрьФото: Getty Images
Бельгия қироли Филипп ва қиролича Матильда, Вестминстер-холл, 18 сентябрьФото: Getty Images
Букингем саройи ёнида олд қаторга, қироличага ҳурмат кўрсатиш учун келганлар томонидан чодирлар ўрнатилди. «Мен шунчаки гўзал аёлга бўлган эҳтиромимни кўрсатиш учун мукаммал жойни эгалламоқчи эдим. Одамлар ҳақиқатан ҳам қиролича билан хайрлашиш учун жон куйдиришмоқда»— дейди чодир ўрнатганлар сафидаги 52 ёшли аёл.
Изоҳ (0)