Xitoyning orbital qurilma va “Chjuchjun” marsoxodidan iborat “Tyanven-1” avtomatik sayyoralararo stansiyasi Marsda suv izlarini topdi, bu sayyorada o‘tmishda okean mavjud bo‘lganidan dalolat beradi, deb yozadi “RBK”.
Xitoy milliy kosmik boshqarmasi ma’lumotlariga ko‘ra, marsoxod o‘zi qo‘ngan hududda — Utopiya tekisligida relyefni o‘rganayotib, o‘rkachlar (qirralar)ning paydo bo‘lishi va suv harakati o‘rtasidagi ahamiyatli bog‘liqlik”ni aniqlagan. Shuningdek, kosmik qurilma ushbu hududda “nam saqlaydigan minerallar”ni topgan, bu esa u yerda “milliard yillar avval” katta hajmda suyuq suv bo‘lganini tasdiqlaydi. Shundan kelib chiqib aytish mumkinki, bu yerda ilgari okean joylashgan.
“Tyanven-1” 2020-yil iyulida uchirilgan bo‘lib, o‘tgan yil fevralida u Marsga yetib borgan, mayda esa marsoxod sayyorani tadqiq qilishni boshladi. 2021 va 2022-yillar mobaynida Marsning Xitoy qurilmasi tomonidan olingan tasvirlari bir necha marta e’lon qilindi.
Sayyorani Amerikaning Perseverance kosmik roveri ham tadqiq qilmoqda, u Marsga o‘tgan yilning fevralida borib qo‘ngandi. U ham sayyoraning tasvirlarini oladi.
Mavzuga doir:
- Marsda sabzavot o‘stirish qanchalik haqiqatga yaqin?
- Yerga Mars yuzasining noodatiy surati yuborildi (foto)
- Perseverance marsoxodi birinchi marta Mars yuzasidan tuproq namunasini oldi
- Marsdagi Xitoy marsoxodi o‘z ish jarayoni haqida 4 ta video yubordi. Videolardan birida roverning tovushini ham eshitish mumkin (video)
Izoh (0)