Хитойнинг орбитал қурилма ва «Чжучжун» марсоходидан иборат «Тянвен-1» автоматик сайёралараро станцияси Марсда сув изларини топди, бу сайёрада ўтмишда океан мавжуд бўлганидан далолат беради, деб ёзади «РБК».
Хитой миллий космик бошқармаси маълумотларига кўра, марсоход ўзи қўнган ҳудудда — Утопия текислигида рельефни ўрганаётиб, ўркачлар (қирралар)нинг пайдо бўлиши ва сув ҳаракати ўртасидаги аҳамиятли боғлиқлик»ни аниқлаган. Шунингдек, космик қурилма ушбу ҳудудда «нам сақлайдиган минераллар»ни топган, бу эса у ерда «миллиард йиллар аввал» катта ҳажмда суюқ сув бўлганини тасдиқлайди. Шундан келиб чиқиб айтиш мумкинки, бу ерда илгари океан жойлашган.
«Тянвен-1» 2020 йил июлида учирилган бўлиб, ўтган йил февралида у Марсга етиб борган, майда эса марсоход сайёрани тадқиқ қилишни бошлади. 2021 ва 2022 йиллар мобайнида Марснинг Хитой қурилмаси томонидан олинган тасвирлари бир неча марта эълон қилинди.
Сайёрани Американинг Perseverance космик ровери ҳам тадқиқ қилмоқда, у Марсга ўтган йилнинг февралида бориб қўнганди. У ҳам сайёранинг тасвирларини олади.
Мавзуга доир:
- Марсда сабзавот ўстириш қанчалик ҳақиқатга яқин?
- Ерга Марс юзасининг ноодатий сурати юборилди (фото)
- Perseverance марсоходи биринчи марта Марс юзасидан тупроқ намунасини олди
- Марсдаги Хитой марсоходи ўз иш жараёни ҳақида 4 та видео юборди. Видеолардан бирида ровернинг товушини ҳам эшитиш мумкин (видео)
Изоҳ (0)