Yaponiyada Kyusyu oroliga kelib, mamlakat shimoli-sharqiga ko‘chgan “Nanmadol” tayfuni oqibatida kamida 43 kishi jabrlandi. Bu haqda NHK telekanali xabar bermoqda.
Bundan tashqari, elektr uzatish simlarining uzilishi va tabiiy ofatning boshqa oqibatlari tufayli Kyusyu oroli va Tyugoku mintaqasidagi 300 mingdan ortiq xonadon elektrsiz qolgan.
18-sentabr kuni ertalab Kyusyu, Kagosima, Miyazaki va Kumamoto prefekturalarining qariyb 2,5 million aholisiga uylarini tark etib, evakuatsiya markazlariga ko‘chib o‘tish tavsiya etilgandi.
Tayfun urilgan hududda shamol tezligi 50 metr/sekundgacha yetib, 70 metr/sekundgacha kuchaymoqda. Dovul markazida shamol tezligi maksimal 270 kilometr/soatga yetadi, deb yozmoqda Reuters Yaponiya meteorologiya boshqarmasiga tayanib.
Izoh (0)